Si la mar era de leche,
Los barkitos de kanela,
Yo me mancharia entero
Por salvar la mi bandiera.

Si la mar era de leche,
Yo me aria un peshkador,
Peshkaria las mis dolores
Kon palavrikas de amor.

En la mar hay una torre,
En la torre una ventana,
En la ventana hay una ija
Ke a los marineros ama.

Dame tu mano palomba
Para suvir a tu nido,
Maldicha ke durmes sola,
Vengo a durmir kontigo.